طريقة عمل الخبز المصرى البلدى بالصور وطريقة عمل الخبز الفينو بكل أنواعه بالصور

أولا : طريقة عمل العيش الفينو بالصور

انهاردة جيبالكم الفينو سهل جدا ومن غير خوف ولا وجع دماغ ولا الحاجات الكتيرة دى ولابيض وكبايه ولا اتنين اسهل منه مافيش يلا نشوف الصور

كيلو ونص دقيق + 2 معلقه خميرة مذابه فى نص كوب ماء دافئ + فنجان ونص زيت + ملح + 3معلقه كبيرة سكر + ( اختيارى حته زبدة صغنونه + كوب لبن بودرة ) + ماء للعجن

تضيفى المكونات كلها ما عدا الزيت تعجينيها كويس طبعا يا بنات الميه مشكله بالنسبلكم بالنسبه للكميه لو عندكم زجاجه البيبسى الليتر خليها عندكوا ودى تلات ارباع كميه الميه اللى حنعوزها يعنى لتر الا ربع ماء عشان تكون معانا رطبه ومش معنى انا قولت لتر الا ربع يبقى مظبوط حسب الدقيق يا جماعه يا يعوز اكتر يا اقل بس لازم تكون رطبه العجينه وبتلزق فى الايد شويه
بعد ما تعجنى ضيفى الزيت واعجنى تانى لغايه ما يختفى

شايفين تلزق شويه بنفس الشكل

هنا خمرت

تقفليه بشكل دة كويس عشان ميفتحش منك

طبعا حطيه فى صينيه وبعديهم عن بعض عشان لما يخمر وادهنى وشه بالبيض

واادى الكيزر بعد ما خمر

وحبه بالسمسم

ثانيا : طريقة عمل الخبز المصرى البلدى بالصور

الأدوات الواجب توافرها فى البيت من أجل صناعة العيش
_ فرن صغيرة للخبيز (معلش بتشتغل بـ أنبوبة الغاز ) .... سعرها مش غالى

طريقة عمل الخبز المصرى البلدى بالصور وطريقة عمل الخبز الفينو بكل أنواعه بالصور 6_142_L

_ رول لفرد الرغيف أو نشابة

_ خشبة مستديرة ولها يد خشبية من أجل دخول العيش للفرن

_ 2صاج كبير
زى ده

_ ميزان المطبخ
طريقة عمل الخبز المصرى البلدى بالصور وطريقة عمل الخبز الفينو بكل أنواعه بالصور AY25

طريقة عمل الخبز المصرى البلدى بالصور وطريقة عمل الخبز الفينو بكل أنواعه بالصور AY25

ملحوظة مهمة:
أول ما تجيبى الفرن وتوصليها وتتأكدى من التوصيلات وأنها أمان تشغليها وباستخدام قطعة قماش مبلولة وتمسحيها وهى شغاله كويس علشان مطرح الألومنيوم يطلع
وطبعا الفرن يفضل وضعها فى البلكونه ودا أريحلك لأن كمان درجة حرارتها بتبقى عالية أكتر بكتير من فرن البتوجاز

بعد ما تنوى العزم وتتوكلى على ربنا و تجهزى الأدوات دى نبدأ بقى الشغل

المقادير : (تنتج حوالى 15 رغيف)
2 كيلو دقيق فاخر
2 ملعقة ممسوحه ملح
10جرام خميرة بيرة
ردة ناعمة

الطريقة

أولا: نضيف للخميرة قليل من السكر وشوية ماء دافئ ونسخنها شوية فى فرن البتوجاز

ثانيا: نضع الدقيق فى كروانه أو أناء للعجن واختارى مقاس منابس وخدى بالك أن العجين هيخمر
ثم نضيف إليه الملح والخميرة بعد ما تكون خمرت ثم نبدأ فى إضافة ماء دافئ

ونبدأ نعجن كويس ونلف العجينة كويس ونلمها من تحت لفوق ونخلط المكونات كويس مع بعضها
لغاية ما يبقى قوام العجينة متماسك بحيث ولا أنها ناشفة ولا طرية وخدى بالك أنها عجينة بتلزق فى الأيد يعنى متفضليش تضيفى ماء علشان تبطل تلزق فى الحاله دى هتلاقيها طريه خالص ومينفعش فردها

ثم نغطي اناء العجن بكيس بلاستيك (علشان العجينة متلزقش جامد فيه) ونلفها ببطانية ونضعها فى فرن البتوجاز ( وهى دافئه مكان ماسخنا الخميرة)

ونتركها لمدة ساعة علشان تخمر

بعد ما تخمر نقرص العيش
تكونى فاتحة ماء الصنبور و تاخدى من العجينة وتبليها قليلا بالماء علشان متلزقش جامد فى إيديك وتوزنيها على الميزان حوالى 200 جرام الرغيف
ونكون مجهزين صاج ومفروش ردة ناعمة ونضع علية الأرغفة و خلى فيه مسافة بين كل رغيف والأرغفة الأخرى

غطى الصاج بكيس بلاستيك وأتركيهم ساعة علشان يخمروا

المرحلة الأخيرة الخبيز

شغلى الفرن وخلي الشعلة اللى تحت عاليه واللى على الجانبين قليله

على الطرابيزة أفرشى شوية ردة ناعمة وحطى الرغيف عليها
أنثرى قليل من الدقيق فوق الرغيف
وأبدئ بواسطة النشابة أو الرول أفردى الرغيف لحد ما يوصل لمقاس مناسب

أمسكى الرغيف كويس وأنقليه على الخشبة المستديرة واللى من خلالها أرمى الرغيف فى الفرن

أستنى شوية لحد لما يقب

بعد كده قومى بتعليه النار اللى على الجانبين علشان يحمر من فوق

تقدرى تخرجى الرغيف وبالهنا والشفا

طريقة عمل الخبز المصرى البلدى بالصور وطريقة عمل الخبز الفينو بكل أنواعه بالصور Aishru1

طريقة عمل الخبز المصرى البلدى بالصور وطريقة عمل الخبز الفينو بكل أنواعه بالصور Aishru1

» طريقة عمل الشوارما بالصور
» طريقة عمل الكاتشب بالصور
» طريقة عمل التورتة بالصور
» طريقة تجميع الكمبيوتر شرح بالصور
» بالفيديو والصور طريقة عمل الايس كريم للشيف حسن بالصور