تفجير جبان

اصحى يا شعب على فين رايحين؟
فتنه وطوائف بالعداء خارجين
تدبير صهاينه والتفكير لعين
تفجير جبان بكنيسه قديسين
مات الضحايا والشياطين صاحيين
هتقولوا طبعا بالمسلمين شاكين
انا اقلكم اسمعوا....دول كلمتين
انا دينى حق مش دين مشين
انا ربى قال:ليكوا ولينا دين
مش كونوا ظلمه او تكونوا قتالين
وانتوا بظنونكم فينا غلطانين
عيونا معصوبه وعن الحقيقه باعدين
شوفوا الموساد كانوا ايه قايلين
امن مصر احنا فيه لاعبين
بعد ده كله لسه بالظلم مصدقين؟؟
مسلم...مسيحى كلنا لله راجعين
نعبد اله امرنا رحمه للعالمين
مسلم...مسيحى لازم نكون متحمسين
نطرد عدو وعلى بعضنا خايفين
مسلم...مسيحى كلنا مصريين
ايدك فى ايدى وبحبنا عايشين
ونخلى اعدائنا بوحدتنا تايهين
وبكل غدر لازم نكون متنبهين
مش للخلاف قاعدين مستنيين
ولتفرقتنا عن بعضنا مستسلمين
لازم نكون ببلدنا مصر متمسكين
ونبنى بينا جسر حب يكون متين
انا هدعى دعوه اننا نكون متوحدين
وانتم ورايا وكلنا هنقول امين

شكراااااااااااااااااااااااااااااااااااااااااا

[ندعوك للتسجيل في المنتدى أو التعريف بنفسك لمعاينة هذه الصورة]

شكراً على الزجل الرائع يا زينب
ولكن أنا نزلته باسمك فى قسم القصة القصيرة والشعر والزجل فى قسم الإعلام التربوى مصحح لغوياً ومعدل بناءً على تعديلات معلمو اللغة العربية
وممكن تاخدى كوبى من المشاركة وتعدلى مشاركتك بالمشاركة الصحيحة
من خلال زيارة الرابط ده

[ندعوك للتسجيل في المنتدى أو التعريف بنفسك لمعاينة هذا الرابط]


تسلم إيدك يا أديبة المستقبل


[ندعوك للتسجيل في المنتدى أو التعريف بنفسك لمعاينة هذه الصورة]